ЭЛЕКТРОНДЫҚ МЕМЛЕКЕТТІК ҚЫЗМЕТТЕР МӘСЕЛЕЛЕРІ БОЙЫНША ДӨҢГЕЛЕК ҮСТЕЛ ӨТТІ

СНКР - Kapinfo.kz |Ағымдағы жылдың 6 маусымында Талдықорған қаласы "Рухани жаңғыру" ғимаратында Алматы облысының жергілікті атқарушы органдарының, "Ұлттық ақпараттық жүйелер" АҚ және Халыққа қызмет көрсету орталығының өкілдерінің қатысуымен "Электрондық мемлекеттік қызметтерді дамыту мәселелері жөніндегі дөңгелек үстел" өтті. Аталған іс-шарада Алматы облысы бойынша электрондық мемлекеттік қызметтердің даму жағдайы; электрондық мемлекеттік қызметтерді дамыту және насихаттау бойынша аудандар мен қалаларда өткізіліп жатқан жұмыстар талқыға салынды. Сонымен қатар, мемлекеттік қызметтерді көрсету бағытында қолданылатын ақпараттық жүйелерге қатысты аудандар мен қалалардың өкілдері тарапынан бірқатар сұрақтар туындап жиналғандар арасында қызу-қанды талқыланды. Қойылыған сұрақтар "Ұлттық ақпараттық жүйелер" АҚ өкілі тарапынан тиісті жауаптарын тапты. Жалпы айтқанда, іс-шара барысында электрондық мемлекеттік қызметтерді дамытуда кедергі болып табылатын мәселелер анықталып оларды шешуге бағытталған іс-шаралар тізімі бекітілді. Ең бастысы өткізілген дөңгелек үстел барлық қатысушылар үшін өнімді болды.