«ӘКЕМ, АНАМ ЖӘНЕ МЕН – АЙНАЛЫСАМЫЗ СПОРТПЕН» спартакиадасының қорытындысы
БүгінТалдықорған қаласындағы «Динамо» спорт кешенінде Қазақстан Республикасы Мемлекеттік қызмет органдарының 20 жылдығы аясында мемлекеттік қызметшілердің отбасы мүшелерімен бірге қатысатын «Әкем, анам және мен – айналысамыз спортпен» атты спартакиада өтті.
Жанұялық спартакиаданың мақсаты:
- мемлекеттік қызметкерлер арасында салауатты өмір салтын насихаттау және денешынықтыру мен спортқа баулу;
- мемлекеттік қызметшілер мен олардың отбасыларын тұрақты түрде спортпен айналысуға тарту;
- спорттық жарысқа қатысушылардың шеберлігін шыңдау.
Сонымен, жарысқа облыстық басқармалар мен департаменттерден 7 команда қатысып, өзара сайысқа түсті.
Қорытындысы бойынша 1-орында Ветеринариялық бақылау және қадағалау комитетінің Алматы облыстық аумақтық инспекциясы атынан қатысқан Бактыслановтар отбасы (Бактысланов Кайрат Бактысланұлы, Докенова Асель Бокеновна, Бактыслан Тогжан Қайратқызы) иеленді.
Ал, 2-орын Туризм басқармасынан өтініш білдірген Толыкбаевтар отбасына (Толыкбаев Ернат Жамильевич, Досмухамбетова Динара Сериковна, Жамиль Жанель Ернатовна) бұйырды.
Жеңістің 3-тұғырына Дене шынықтыру және спорт басқармасынан қатысқан Нурлыбековтар отбасы (Нурлыбеков Нурым Комекович, Нурлыбекова Анар Валихановна, Нурымулы Райымбек) шықты.
Жарыс жеңімпаздары мен қатысушыларына медальдар мен дипломдарды Департамент басшысы Серікбай Өрікбайұлы Нұрғисаев табыс етті.
Комментарии