МЕМЛЕКЕТТІҢ ДАМУЫ МЕН ТҰРАҚТЫЛЫҒЫНЫҢ КЕПІЛІ!
21 маусымда Талдықорған қаласының Тіл сарайында Департамент Алматы облысының жергілікті атқарушы органдарының және басқарма өкілдерімен, шетелдік инвесторлармен, шетелдік капиталдар тартылған қазақстандық компаниялар өкілдерімен, сондай-ақ жер қойнауын пайдаланушыларымен кездесу өткізді.
Кездесу барысында Департамент басшысы Нұрғисаев Серікбай Өрікбайұлы «Protecting Business and Investments» сыбайлас жемқорлыққа қарсы күресті қолдау жобасымен және Алматы облысы әкімінің орынбасары Тұяқов Жеңіс Шылбынұлы инвесторларға мемлекет тарапынан көрсетілетін қолдау шараларымен таныстырды. Сондай-ақ, Сыбайлас жемқорлыққа қарсы іс-қимыл Ұлттық бюросының Алматы облысы бойынша департаментінің басшысы Тұрғанбаев Данияр Мұқанұлы және «Kazakh Invest» ұлттық компаниясы» Акционерлік қоғамының аймақтық бөлімінің директоры Бейдали Марк Бейдалиұлы өздерінің құзыретіндегі мәселер бойынша баяндады.
Ұсынылған жоба қызығушылық тудырып, қатысушылар тарапынан өнімдерді сертификаттау мен сараптама жасау сияқты өзекті мәселелер ортаға салынып, талқыланды. Сонымен қатар, шақырылған басқарма және департамент басшылары көтерілген мәселелер бойынша түсініктемелерін берді.
Кәсіпкерлердің заңды құқықтары мен мүдделерін қорғауға бағытталған өзара іс-қимыл жолдарын анықтау мақсатында мемлекеттік органдар мен инветорларға арнайы ұйымдастырылған ашық әңгіме алаңы табысты өткізіліп, жобалық кеңседе жалғасын табатыны анық.
Бүгінгі таңда кәсіпкерлік заманауи қоғамда мемлекеттің дамуы мен тұрақтылығының кепілі болып табылады. Сол себепті, құрметті кәсіпкерлер мен инвесторлар, Сіздерді халқымыздың әл-ауқатын көтеріп, жетістіктерге жету үшін ынтымқтастыққа шақырамыз!
Комментарии