Бұл адам бойындағы ең қадірлі, асыл қасиеттердің бірі. Қазақ қашан да жетімін жылатпай, жесіріне қорған болған халық. Ата-бабаларымыздың осы дәстүрін ұрпақтары бүгінде жалғастырып келеді.

Осындай мақсатты азаматтық парызы санаған аймақ басшысы Талғат Қанатұлы «Кәусар» интернатының 25 жеткіншегіне қаладағы «Юбилейный» пиццериясында түскі ас беріп, соның ішіндегі арнайы залда балалардың қалаған ойынын ойнауына мүмкіндік жасап, жастарды бір қуанышқа бөлеген болатын.

Баланың бір сәттік шынайы күлкісінен артық байлық, бақыт жоқ. Бұл кішкентайлардың бойына ізгілікті, мейірімділікті, және жылылықты дарытатыны сөзсіз. Мұндай жағымды жақтарды аға буын өкілінен көріп, одан үйреніп, ойына түйіп өскен бала жаман болмасы анық.

Осы ретте, айта кету керек, аталмыш интернатта республиканың түкпір-түкпірінен келген 60 -қа жуық бала тәрбиеленуде. Мұнда оларға қажетті жағдайдың барлығы қарастырылып, жасалған деуге болады.

---