СНКР - Kapinfo.kz | Облыс басшысы Амандық Баталов бастаған мұндай жаңашылдық алғаш рет ұйымдастырылып отыр. Облыс бойынша аталмыш қала әлеуметтік-экономикасы қарқынды дамыған үлгілі өңір ретінде танылып, жиын осы жерде өткізілген-ді. 200-ге жуық келген қонақтар алдымен, Қапшағай қаласында атқарылған жұмыстың барысымен танысып, бірқатар нысандар да болды.

Жетісу өңірінің басшысы Амандық Ғаббасұлы орталық саябақ аллеясының аббаттандыруын, 5 спорттық жаттығу алаңы бар Стадионды, жағажайларда жүргізілген құрылыс істері және тұрғын үй аулаларын аралап, өзінің жоғары бағасын берді.


Сонымен бірге, осындай жұмыстар басқада аймақтарда қолға алынуын айтты. Бұдан кейін, келген қауымның келесі аялдамасы жиынмен жалғасты. Басқосуда бірнеше аудан-қала әкімдері баяндама жасап, соның арасында Қапшағай қаласының әкімі Талғат Қанатұлы да бар. Аймақ басшысы шаһар 4 бағыт бойынша өркендетіліп, осы бағытта биылда жұмыстар жалғасатынын айтып өтті.


Жиын соңында Алматы облысының әкімі Амандық Баталов бұл қалада істелген жұмыстың көптігін тағы да тілге тиек етіп, алдағы жоспарлардың да сәтті орындалуына тілегін білдірді.